Typical analysis of life

2003-10-06T15:20:00.000Z

Lenti í ekkert smá súrealískum aðstæðum eftir vinnuna á laugardaginn. Hélt hreinlega að ég væri að verða geðveikur á tímabili. Þetta er nú bara eins og viðbjóðsleg draugasaga. Málið var þannig að ég var að keyra fram hjá Sjávarútvegsráðuneytinu og er á ljósunum til þess að keyra inn á Sæbrautina. Þegar ég lít til hægri þá sé ég konu í hvítum brúðkaupskjól standa þarna ofan á hólnum. Kjóllinn hennar er grútskítugur og hún bólgin í framan og öll út grátin. Ekkert smá viðbjóðslegt. Svo hrynur hún niður brekkuna, stendur upp og setur svo slörið aftur á höfuðið á sér og labbar áfram meðfram Sæbrautinni. Hvað er málið?? Það eru þrír möguleikar. Þetta var einhver sækópatti, kona sem að hefur gengið út úr brúðkaupinu sínu eða hreinlega eins og ég hélt fram fyrst draugur........
Eftir þetta þá fór ég að ræða þetta við vini mína hvort að það væri algengt hér á landi að fólk gengi út úr brúðkaupinu sínu á þessu landi? Ég hélt að þannig hlutir gerðust eingöngu í bíómyndum og Bandaríkjunum.

2003-10-04T21:50:00.000Z

Fórum í vísindaferð í Landsbankann. Það var drullu gaman, nóg af bjór. Fórum svo á Felix þar sem Idolið var í gangi, ekki leið á löngu þangað til að neyslan var farin að hafa áhrif og erfitt að þekkja muninn á réttu og röngu. Ég, Stulli, Dabbi og Lára fórum á Hvebban (þar sem að Stulli og Dabbi búa) og drukkum bjór og ég var gjörsamlega rakkaður niður af einhverjum norðlendingum vegna þess að mér ljáðist að segja að ég vissi eitthvað um Bítlana. Þetta kvöld endaði svo á því að Láran fór heim, annar norðlendingurinn drapst upp í rúmmi, hinn fór með vini sínum niðrí bæ en ég ákvað að vera algjör töffari og fara framm fyrir röð á Hverfis til þess að fá mér Töfrateppi (Amaretto og Magic = Snilldardrykkur). Eftir að hafa smakkað þetta þá fór ég og spjallaði við konuna í bitabílnum um Lífið og tilveruna og hún eldaði fyrir mig hambó. Vaknaði í morgun með þennan rosalega höfuðverk, skil ekki afhverju........

2003-07-17T13:38:00.000Z

Heitasti dagur sumarsins, þá er einmitt mjög gaman að vera að vinna hérna hjá Eimskip þar sem að það er ekki lofræsting í þessu blessaða húsi. Var að kíkja á hitamælinn hérna inni og það er eingöngu 29 stiga hiti og svona 95% raki. Það er ekki líft hérna inni. Það fer að líða að því að það snappi einhver hérna inni. Ég Maggi og Sibba fórum í hádeginu á Thorvaldsen, fengum klukkutíma í mat. Ekkert smá ljúft að fá sér einn perlandi Carlsberg...mmmmmmmm. Svo fer bara að styttast í helgina, fyrsta helgin í 2 vikur sem að maður er í bænum.

2003-07-16T15:42:00.000Z

Að gefnu tilefni þá hef ég tekið þá ákvörðun að byrja blogga aftur eftir langa pásu. Ýmsar umræður um date menningu á Íslandi á bloggsíðunni hennar Huldu leiddu til þess að ég sá mér ekki fært um það að vera í pásu lengur. Síðast þeggar ég bloggaði var ég eitthvað að tala um stress út af skóla og svoleiðis....en það er liðin tíð, nú er það bara pressan frá foreldrunum að fjárfesta í konu. Fjárfesta, spyr einhver sig þá, en konur eru ekkert nema fjárfesting sem þú afskrifar á ákveðnu tímabili en á sama tíma þá gefur hún af sér daglegan arð (vonandi). Hér með tilkynni ég endurkomu mína og vona að þið getið notið einhvers af því sem að ég hef að segja.

2003-04-06T13:24:00.000Z

Jæja nú er eingöngu vika eftir af skólanum og uppsöfnun stressins má sjá af litlum bloggskrifum hjá mér. Síðast þegar ég bloggaði var ég að auglýsa Mágus - Orator daginn sem að endaði frekar illa. Við töpuðum naumlega og lögfræðingarnir voru svo góðir með sig að þeir ákváðu að misþyrma Rebba sem að endaði með því að þrír lögreglubílar komu upp í Þróttaraheimili og handtóku forsprakka þessara níðinga. Heilsa Rebba er eftir atvikum. Á föstudaginn var vísindaferð í þar sem byrjað var á því að fara í Skeljung þar sem að fengum frían Dab sem að er einn sá versti bjór í ríkinu. Eftir það var farið á Astró og þar var líka frír bjór. Eftir Astró var farið á Hverfisbarinn og hvað haldiði þar var líka frír bjór og þar var einhver gaur frá vinstri grænum sem að vildi ekki einkavæða heilbrigðiskerfið né afnema hátekjuskatt, svaka fjör! Þannig að ég endaði heima rétt um eitt leitið frekar rólegur.

2003-03-27T08:54:00.000Z

Jæja nú byrjar Mágus - Orator dagurinn í kvöld. Fyrir þá sem að vita ekki hvað þetta er þá er þetta keppni í ýmsum greinum á milli lögfræðinnar og viðskiptafræðinnar. Í kvöld ætlum við að byrja kl 19:00 á Hverfisbarnum þar sem að skákmeistarar Mágusar munu spila á móti skákáhugamönnum lögfræðinnar. Eftir það þá verður farið í Teiknileikni, en þetta er leikurinn sem Villi Goði var alltaf með á Skjá Einum. En það verður ekki Villi sem að sér um leikinn í kvöld heldur þeir Jói(gamli 70 mín gaurinn) og vinur hann Sjonni. Á föstudaginn verður svo keppnin haldin í Valsheimilinu og byrjar kl:13:00 og stendur yfir til 15:30. Þar er stjórnarboltinn, fótbolti, handbolti, karfa, reipitog. Mæting verður að vera stundvísleg, við byrjum á slaginu 13:00. Ég hvet alla til að mæta og hvetja Mágus áfram!

2003-03-24T18:03:00.000Z

Setti þessa mynd inn í dag, hef ekki mikið til að blogga um þar sem að ég er enn þá hundfúll yfir þessu öllu saman. Liggur við að maður fari heim, klæði sig í komma gallann, fái lánaðann eggjabakka hjá mömmu og grýti þessi sendiráð!

2003-03-23T19:28:00.000Z

Ótrúlegt, ég sá nokkra menn af arabískum uppruna brenna íslenska og bandaríska fánanna saman í sjónvarpinu. Hvað er eigilega að gerast? Og þetta var í Danmörku! Ég var að spá í að kíkja í menningarferð í sumar til Danmerkur en ég hugsa að ég sé bara hættur við. Manni fallast bara hendur! Þetta leit bara út eins og að við værum helstu andstæðingar Íraka, við erum að tala um það að bandaríski fáninn var svona 10 sinnum minni. Vitiði það að ég er bara ótrúlega hneysklaður á þessu fólki, bera enga virðingu fyrir okkur. Helvítis stríð, helvítis Bandaríkjamenn, helvítis Írakar. Þetta eru bara algjörir asnar með minnimáttakennd sem að eru að stjórna þessum þjóðum og þetta kemur allt niður á okkur hinum. Það væri bara spurning að græja Bush, Donald Rumsfeld, Colin Powell og henda þeim út í fallhíf yfir Írak og láta þá virkilega finna fyrir því hvernig stríð er! Ég er gjörsamlega búinn að missa allt mitt álit á þessum mönnum og hana nú!! Þeir geta allir farið saman í rassgat!

2003-03-21T12:00:00.000Z

Ég held að ég tilheyri einum minnsta minnihlutahóp sem til er þ.e. ég er rauðhærður, örvhentur og örvfættur. Það er alltaf verið að segja við mig að ég sé alltaf að gera rosalega mikið úr því að ég sé rauðhærður og það er bara staðreynd! Það eru alveg ótrúlegir hlutir sem að ég hef lent í vegna þessa, sem dæmi einu sinni fór ég í klippingu á rakarstofunni á Hótel Sögu og þar var einhver ung dama sem að ætlaði að klippa mig. Allaveganna þegar það kemur að því að klippa mig þá rennir hún svona létt yfir hárið á mér og fer að segja mér hvað ég sé með alveg rosalega þykkt hár. Áður en ég vissi þá var hún byrjuð að kalla þetta yfir alla rakarstofuna og segjandi öllum sem unnu þetta frá þessu og láta þá þukla á hárinu mínu. Veit satt að segja ekki hvort að þetta sé ein besta eða versta lífsreynsla sem að ég hef lent í því að ég var svo roslega sjokkeraður eftir þetta. Nú held ég bara að ég fari að stofna Félag rauðhærðra, örvhentra og örvfættra manna og mun jafnframt leggja mitt að mörkum að leita að öðrum sem að eru eins og ég.

2003-03-19T00:01:00.000Z

Það eru sex vikur eftir að skólanum....FOKK! Held að það sé tímabært að fara setja í 5. gírinn svo þetta muni nú allt saman ganga upp. Það styttist einnig í stríð hjá honum Bush og styttist líka í þessar kosningar sem að munu gjörsamlega eyðileggja dagskránna í sjónvarpinu fyrir manni. Það verður ekki hægt að kveikja á sjónvarpinu án þess að sjá Davíð og Ingibjörgu rífast. Kannski er það bara jákvætt...nú prófin verða í gangi þannig að til hvers að kveikja á sjónvarpinu. En ég er kominn með kenningu! Ég get svo svarið það að eftir allt þetta fjölmiðlafár að þá séu Ingibjörg og Davíð í leynilegu ástarsambandi! Held að þau hafi bara ekki meikað það að rífast svona mikið áfram og hreinlega þurft að fá útrás!

2003-03-14T09:08:00.000Z

Fór á Hverfisbarinn í gær og fékk mér öl með drengjunum, þar voru þeir Jói (70 mín kallinn) og gaurinn úr Írafári að spila. Það var alveg ótrúleg stemmning þarna inn jafnvel þótt að eina fólkið þarna inni hefðu verið við og einhverjir ættingjar þeirra. Allaveganna það er föstudagur í dag og þessi venjulegu föstudagseinkenni eru byrjuð að koma fram þ.e. magaverkir og sviti í lófum, það er líka djamm framundan. Vísindaferðin í IMG er í dag, jafnvel þótt að ég hafi engann áhuga á þessu fyrirtæki þá eru þeir að gefa mér bjór svo að ég er búinn að réttlæta þetta allt saman fyrir sjálfum mér sem er mjög gott. Nóg um blogg í dag.

En í tilefni dagsins, kíkið þá á þetta.

2003-03-12T21:18:00.000Z

Þvílíkar undirtektir!! Þetta er greinilega að verða ein heitasta síðan á netinu (Á eftir Mbl.is). Ég þakka kærlega fyrir samúðina, varðandi hann karl föður minn. Það er alltaf hægt að segja góðar sjálfstæðismannasögur af honum en ég má það víst ekki eftir að hann las bloggið mitt. Þegar ég sagði honum að ég vissi ekkert hvað væri mín pólitíska afstaða þá kom bara stórt spurningamerki á kallinn og svo sagði hann að það væri nú auðvelt fyrir mig að kjósa í vor því að þessi fjölskylda kysi Sjálfstæðisflokkinn og það kæmi nú bara ekkert annað til greina. Allaveganna ég hef mjög gaman að fíflast í pabba varðandi pólitík og hvað ég sé orðinn hrifinn af stefnuskrá Vinstri-Grænna (Sem að ég er ekki). Það er hægt að fá kallinn á þvílíkt flug með þessu. Jæja nóg um það, það er vísindaferð í IMG á föstudaginn!! Nú verður sko tekið á því, var alveg sallarólegur um síðustu helgi.

2003-03-11T10:37:00.000Z

Ég var að komast að því að ég hef ekki hugmynd hvar ég stend í pólitík, þetta er búið að vera mikið áhyggjefni hjá mér undanfarna daga vegna þess að pólitík er í tísku í dag. Held að það sé bara aðal-pikkup línan að fara að tala um Dabba Odds og Jón Ásgeir. Allaveganna, þá kýs ég Sjálfstæðisflokkinn vegna þess að faðir minn hótar að henda mér út ef ég kýs eitthvað annað. Tala nú ekki um þegar ég fór einu sinni á bjórkvöld hjá Samfylkingunni (bara út af því að það var frír bjór) þá tók það hann langan tíma að sætta sig við þetta. Annað dæmi um hvað faðir minn er mikill Sjálfstæðismaður að þá ætlar hann að flytja úr landi ef að Ingibjörg Sólrún verður forsætisráðherra! Held að það sé bara málið hjá mér að fara í stóra herferð með Sjálfstæðisflokknum svo að kallinn fara nú ekki að yfirgefa fjölskylduna. Birta heilsíðuauglýsingu í Mogganum með mynd af rauðhærða stráknum og fyrirsögninni: "Vilt þú að þetta litla grey missi pabba sinn, vegna hennar Ingibjargar!"

2003-03-10T20:14:00.000Z

Klúður, klúður og klúður. Ég á nú samt sem áður fimm fastakúnna sem koma hingað á hverjum einasta degi og verða fyrir vonbrigðum. Þannig að ég vona að þið getið bara afsakað þetta. Er út í Odda að læra fjármál 2 þessa stundina þar sem að ég á mér ekkert líf. Í síðustu viku ákvað ég að vera ótrúlega bitur út í lífið en þessa vikuna er ég að spá í að vera ótrúlega hamingjusamur með lífið og mun ég reyna þannig að endurspegla þessa hegðun mína hér í gegnum blogg-síðuna mína. Eins og ég sagði að þá er ég út í Odda alveg út að eyrum að lesa líklegast eina þá bestu bók sem að ég hef nokkurn tíman lesið, þetta er bókin Intermediate Financial Management (7. útgáfa). Hún fæst í bóksölu stúdenta fyrir einungis 9000 kr. (mætti halda að hún væri bara gefins).

2003-03-04T16:15:00.000Z

Jæja, einmitt þegar ég er næstum því búinn að klúðra blogg-ferlinum mínum þá sný ég aftur! Það er svei mér mikið búið að gerast síðustu daga. Fór á árshátíð hjá Eimskip um síðustu helgi og það var algjör snilld. Núna var hún haldin í Vöruhótelinu sem að þeir eru nýbúnir að byggja. Það var Bautinn sem sá um matinn og voru bæði Davíð og Stulli vinir mínir að vinna, maturinn var alveg frábær. Svo komu Stebbi Hilmars og Eyjólfur Kristjánsson og tóku nokkur lög með Simon and Garfunkel og Sálinni. Svo endaði þetta bara með svaka balli með Stuðmönnum og var dansað alveg til 4!
Nú er bara einn og hálfur mánuður eftir af skólanum og nógu mikið að gera í skólanum, það er kannski helsta ástæðan fyrir því að ekkert hefur gengið í þessu bloggi. Ég var að spá í að fara skrifa eitthvað um þetta Bausmál en held að ég sleppi því, því að ég fer í svo hrikalega vont skap á því en ef ykkur langar eitthvað að fræðast um það eða taka þátt í svaka umræðum um það, kíkið þá bara á síðuna hans Stulla.

2003-02-27T14:10:00.000Z

Usss, ég er ekki búinn að blogga neitt síðan á laugardag, meginástæðan fyrir því að það er allt búið að vera crazy í skólanum, fullt af skilaverkefnum. Þetta er samt alveg út í hött hvað það er mikið af skilaverkefnum og í þokkabót þá gilda þessi verkefni ekki neitt. Semi dæmi í einum kúrs sem að ég er í að þá eru 6 skilaverkefni og hvert gildir 3%. Svo er er alveg ótrúlega langur tími sem að fer í þetta sérstaklega ef að maður er í hóp með fólki sem að maður þekkir ekki neitt. Þá þarf alltaf að vera meila á liðið, senda á milli og svona kjaftæði. Ef kennarar í háskólanum ætla sér að hafa verkefni þá eiga þau að vera stór og gilda mikið, því að þá gefst kannsk einhver smá tími til að læra í öðrum fögum. Þetta er farið að vera hálf hallærislegt hvað ég er alltaf ótrúlega bitur út í kennarana í þessum skóla...spurning að hætta að blogga um þetta...lítur út eins og maður eigi ekkert líf. Svo eru kosningar í dag. Held að síminn sé búinn að hringja hjá mér svona 10 sinnum í dag og beðinn um að reka á eftir fólki að fara kjósa. Held að þetta hafi farið út í öfgar í morgun þegar ég var vakinn með SMS í morgun frá Vöku: Sæll Gunnar og velkominn á fætur. "Gangi þér vel í dag, kveðja Erla, VAKA fram til sigurs." Hver er þessi Erla eiginlega? Það var kannski ekkert svo sniðugt að taka það að sér að hjálpa þessu liði í fyrra því að þeir eru bókstaflega búnir að leggja mig í einelti og er mér farið að hlakka til að þessum degi fari að ljúka. Svo mæli ég bara með því að þið farið öll út á kjörstað og farið og kjósið því að þá eruð þið líka að gera mér greiða.

2003-02-22T20:29:00.000Z

Bið ykkur að afsaka það að ég bloggaði ekki í gær, búinn að fá svoleiðis að heyra það! En það er allaveganna gaman að vita að fólk skoði síðuna mína. Var að koma af TGI Fridays með Stulla, Kidda og Úlfari (frændi hans Kidda). Málið var það að ég og Stulli fengum 2500 kr innlegsnótu í Smáralindinni fyrir það eina að smakka einhverja nýja mjólk hjá Gallup. Maturinn algjör snilld og þjónustan alveg brilljant sérstaklega þessi dökkhærða, hún var alveg frábær gaf okkur meira að segja barnaís og rakkaði okkur svo niður fyrir framan allan staðinn, þetta var mjög ánægjulegt. Nú er ég bara á leiðinni á djammið, mutter og vater farin á skíði einhvers staðar í Austurríki. Er á leiðinni í partý til Ólafs Pálmarsonar vinar míns. Fékk meira að segja að vita það að þarna yrðu 20 stelpur frá Kennaraháskólanum á Akureyri sem eru í vísindaferð í bænum!! Ekkert nema gott að segja um það.....Svo var ég ég að tala um Botnleðju lagið um daginn en enginn fann það svo að ég ákvað bara að setja link hérna inn. Svo á Lára vinkona mín afmæli í dag. Til hamingju með afmælið Lára.

Eurovísa.mp3

2003-02-20T18:15:00.000Z

Get ekki bloggað mikið í dag. Fara í próf á morgun í fjármálum 2.

2003-02-19T20:46:00.000Z

Jæja, lengsta skóladag vikunnar loksins lokið. Svo að þið getið áttað ykkur á hvað ég meina með lengsta að þá mætti ég í skólann kl 8:00. Sat alveg til kl 11:00. Fékk þá smá pásu og sat alveg frá kl 14:00 - 19:00. Þurfti meira að segja að hlaupa á milli sumra tímanna. Mætti alveg úrvinda í Þjóðhagfræði tíman eftir að hafa sko sprett frá Odda og upp í Árnagarð. Vorkenni bara greyið stelpunni sem þurfti að sitja við hliðina á mér í þessum tíma. Þetta er samt alveg fáránlegt, það er eins og það sé eitthvað "fetish" hjá kennurum að hafa alla tímana á miðvikudögum, liggur við að maður sé í fríi alla hina daganna. Nóg um skóla!! Langar til að benda fólki á að það er hægt að ná í öll lögin sem voru í undankeppninni fyrir Euro vision á Heimasíðu RÚV. Þetta voru nú samt allt skítalög nema eitt, Eurovísa með Botnleðju, gargandi snilld. Þetta er svo sannarlega lagið sem að við hefðum átt að senda út í staðin fyrir hana Birgittu Haukdal, hefði alveg verið til í að sjá strákanna í íslenska þjóðbúningnum öskrandi á sviðinu í Riga og vera fyrsta lagið í þokkabót.

2003-02-18T18:42:00.000Z

Úff, var að koma frá tannlækninum. Skil ekki afhverju það er svona dýrt að fara til tannlæknis, fór um daginn í skoðun. Kallinn hitti mig í 30 mínútur, tók nokkrar myndir skoðaði aðeins tennurnar og það kostaði mig 9000 kall!!! Þvílíkt og annað eins tímakaup. Það gæti bara vel verið að maður skelli sér í tannlækninn ef að atvinnuástandið verður áfram eins og það er. Jæja ég nenni ekki að blogga meira í dag, ógeðslega pirraður eftir þennan tannlæknatíma. Þarf líka að fara læra undir prófið í fjármálum.

2003-02-17T18:46:00.000Z

Jæja, nú er maður að koma allur til eftir þessa blessuðu árshátíð, greinilega orðinn soldið gamall víst að það tekur tvo daga að jafna sig eftir smá djamm. Man nú áður fyrr þegar það voru teknir tveir dagar í röð og svo var maður bara hinn hressasti eftir það. Nú eru farnar að birtast myndir úr þessari blessuðu ferð og það verður gaman að sjá hvernig það allt saman fer, áhugasamir geta farið á Heimasíðu Mágusar og séð þar einhverjar myndir af fullum viðskiptafræðinemum! Voða spennó. Fann þessa mynd af mér, Stulla og Láru þarna inni:

Algjörir töffarar! Nóg um blogg í dag er að fara upp í Gallup til að taka þátt í Focus Group, segi frá því á morgun.

2003-02-16T20:09:00.000Z

Úff, þynnka dauðans í dag. Fór á þessa rosalegu árshátíð í gær hjá Mágusi. Það var drullu gaman, Moonboots héldu uppi svaka stemningu með tónlist frá níunda áratugnum. Lög eins og "We bulit this city", svo voru einhver lög með Bowie ofl. Lenti í hrikalegum aðstæðum þegar ég fór á klósettið þá var eitthvað par þar bara í full action, og ég er svona týpa að ég á mjög erfitt með að pissa þegar það er einhver að horfa á mig hvað þá þegar fólk er að eðla sig í klefanum við hliðina á, en þetta reddaðist náttúrulega að lokum. Fór svo í bolta með strákunum í dag upp í Réttarholtsskóla þannig að þynnkan er svona að mestu leiti horfin núna. Svo er það bara bíó í kvöld með strákunum, ætlum að sjá About Schmidt með Jack Nicholson.

2003-02-14T14:47:00.000Z

Jæja, nú er ég loksins búinn að komast að því afhverju þetta heitir Valentínusadagur: Fann þetta á mbl.is

2003-02-14T12:38:00.000Z

Jæja nú er 14. febrúar í dag! Ekki besti dagur í lífi manna sem eru á lausu því að þetta er jú Valentínusardagurinn. Svo eiga líka Jón Gunnar og Stulli afmæli þannig að til hamingju með það drengir! En afhverju í ósköpunum heitir þetta Valentínusardagur? Kaninn segir alltaf á þessum degi "Do you want to be my Valentine?", Hver í ósköpunum er þessi Valentine, væri ekki bara snilld að kalla þetta "Hjálpum þeim dagurinn "? Þá væri þetta svona dagur þar sem að fólk sem er í sambandi myndi bara taka sig til og reyna að finna einhvern/einhverja fyrir vin/vinkonu þeirra sem er á lausu? Held að þetta sé bara snilldar lausn á versta degi ársins fyrir þá sem eru á lausu.

2003-02-13T17:24:00.000Z

Jæja, nú er helgin að nálgast og margt að gerast um helgina....eins og til dæmis að nú er árshátíðin að nálgast hjá okkur. Hún verður haldin í Skíðaskálanum í Hveradölum á laugardaginn og það verður hrikalegt stuð! Það er allaveganna brjálaður stemmari í mönnum fyrir helgina og er varla lærdómsfriður í Oddanum. Sagan segir að Stulli ætli að taka með sér gítarinn og ætli að taka á því og jafnvel spila eitt lag eða tvö með Moonboots, nefnd hafa verið lög eins og "Like a Virgin". Svo er einnig mótmælafundur á laugardaginn, þar sem það er verið að mótmæla stríði gegn Írak og skora ég á alla að mæta! En jæja nóg um blogg í dag......

2003-02-12T16:36:00.000Z

Hæ. Velkomin/nn á bloggsíðuna mína. Hef nú ekkert mikið að segja svona í fyrstu en þetta er búið að vera hrikalegur dagur. Sat í tíma hjá kennaranum í Reikningshaldi 3 sem heldur líklegast að hann sé eini maðurinn í heiminum þegar hann er að kenna. Ef svo skyldi gerast að nemandi missir athyglina í eina mínútu að þá er "pretty much" allt farið til fjandans.